23 settembre 2015
Tra la sera e la matina Ti,Signor, ti si el me Consolator
Intant che son drio cusinar,
netar casa,stirar e lavar
co Ti borboteu
i me tort, le me reson
e Ti ,
che no ti te strachi de scoltarme,
ti speti che me pase la boiura
par spiegarme,insegnarme,
farme ragionar.
Ti si l'unico,
Signor,
bon de darme calma,
de spegner el fogo
che ardea te el me zharvel
e mi no pos far altro che dirte
"Grazhie,Signor!
Anca ancoi ti me è tirà fora
da tute le me preocupazhion!".
Vau tel let contenta,
la not ,el doman tut las
te le to man.
Met do 'n piè dal let
co 'na musica tel cor,
la mà fat compagnia tuta not,
lè cantava par el nostro Signor.
Leu su, me lau e me vestis,
el laoro,
mi el se,
el sarà manco dur
co Ti,
Signor,
che ti fe par mi
quel che mi no son bon.
Iscriviti a:
Commenti sul post (Atom)
Nessun commento:
Posta un commento