DRIO EL CANTON

Signor, son vegnesta al mondo co Ti ti è volest e saludarè 'sta tera co Ti ti volarà. Te tut el me creser, far e procrear, co tuta onestà, pos dir de no averte mai negà. Paraltro non lé che sie 'na santa che no là mai pecà, de difeti Ti sè quanti la to tosa la ghen à ma, te tut sto dafar, Signor, de pregar è sempre zhercà par contarte, maresiafate, tute le me malefate e ogni olta spetar misericordia e tirava de rece scansar. Signor, co tut el me ciacolar no voi desmentegar de domandarte grazhia che co Ti la me fae restar: iuteme,par piazher, parchè pose te la vita de veciota pareciarme a patir dolor senzha mai contro de Ti revoltarme ma,sempre,par tut el ben che sempre Ti m'è fat, creder te la To man pronta dal pantan a tirarme fora. El me ocio nol se scurte, la me memoria no la se stravie, i os e la me carne sempre i seppie che la so fin lè drio el canton parecià da l'Unico Paron.