FREGOLE

Fregole
Fregole de pan
par i oselet,
che i vegne a cantar
sul me puiol
e i me conte del sol
le malizhie che l'usa
par star content,
che i me die
de i dughi
de le nuvole col vent, 
bocete le se reoltola
tel zhiel,
come fale come
filar neve,
portar egua,
che i me porte
el ricordode i me angiolet
che i ola tut intorn al mondo
manco mal finì ogni dolor,
tute le tribolazhion.
Magné, magné,
oselet,
tute le fregolete
sul me puiol!
Ciapé forzhe
par tor de olta
te le nuvole e le stele,
portar lassù
'na fregoleta del me cor
che el lo benedise el me Signor!